Nowadays many people choose to be self-employed, rather than to work for a company or organisation

Advertisements

Ստեփան Զորյան

Կարճ կենսագրություն
Ստեփան Եղիայի Առաքելյանը ծնվել է 1889 թվականի սեպտեմբերի 15-ին Վանաձորում, գյուղացու ընտանիքում։ 1896-1898 թվականներին Ստեփանը նախագիտելիքներ է ստացել Զաքար վարժապետի «գաղտնի դպրոցում», ապա ընդունվել է ծննդավայրի նորաբաց ռուսական ուսումնարան, որն ավարտում է 1904 թվականին: 1906 թվականին մեկնում է Թիֆլիս՝ Ներսիսյան դպրոց ընդունվելու համար, բայց նյութական ծանր վիճակը հարկադրում է աշխատանքի անցնել տպարաններից մեկում որպես սրբագրիչ, իսկ հետո «Սուրհանդակ» թերթում որպես թարգմանիչ։ 1912-1919 թվականներին աշխատում է «Մշակի» խմբագրությունում թարգմանիչ և ոճաբան։ 1919 թվականին գալիս է Երևան։ 1919-1920 թվականներին աշխատել է «Հայաստանի կոոպերացիա» ամսագրում: 1930-1934 թվականներին աշխատել է «Հայկինո»-ում՝ որպես գրական կոլսուլտանտ, 1950-1954 թվականներին՝ Հայաստանի խորհրդային գրողների միության քարտուղար է եղել: Եղել է ՀԽՍՀ Նախարարների խորհրդին կից տերմինաբանական հանձնաժողովի, «Հայաստան» հրատարակչության գեղարվեստական խորհրդի, Մեսրոպ Մաշտոցի անվան Մատենադարանի, ՀԽՍՀ ԳԱ Մանուկ Աբեղյանի անվան գրականության ինստիտուտիգիտական խորհուրդների, Հայկական սովետական հանրագիտարանի գլխավոր խմբագրության անդամ և հանրագիտարանի գրականության գիտաճյուղային խմբագրության խորհրդի նախագահ: Մասնակցել է Խաչատուր Աբովյանի, Ռափայել Պատկանյանի, Հովհաննես Թումանյանի երկերի ակադեմիական հրատարակություններին: 1929-1935թվականներին ընտրվել է ՀԽՍՀ Կենտգործկոմի անդամ: 1962 թվականից եղել է ԽՍՀՄ լենինյան մրցանակաբաշխության պետական կոմիտեի անդամ՝ ընտրվել է Հայկական ԽՍՀ Գերագույն խորհրդի պատգամավոր: 1965 թվականից՝ ՀԽՍՀ Նախարարների խորհրդին առընթեր գրականության, արվեստի և ճարտարապետության պետական մրցանակների հանձնաժողովի նախագահ: Նրա ստեղծագործությունները թարգմանվել են ռուսերեն, ուկրաիներեն, բելոռուսերեն, վրացերեն, ադրբեջաներեն, մոլդավերեն, լիտվերեն, էստոներեն, քրդերեն,չեխերեն, լեհերեն, բուլղարերեն, ռումիներեն, սլովակերեն, հունգարերեն, շվեդերեն, գերմաներեն, ֆրանսերեն, անգլերեն, իսպաներե0ն, արաբերեն, չինարեն: «Հայֆիլմ»-ը Ստեփան Զորյանի «Ջրհորի մոտ» պատմվածքի հիման վրա նկարահանել է համանուն կինոնկարը 1968 թվականին, «Հեղկոմի նախագահը» պատմվածքի մոտիվներով՝ համանուն կինոնկարը 1977 թվականին: Հինգ-վեց տարվա ընթացքում լույս են տեսնում «Ցանկապատ», «Հազարան բլբուլ», «Ծովանը» , «Պատերազմ», «Խնձորի այգին» ժողովածուները։ Մինչև պատերազմը գրում է «Մի կյանքի պատմություն» վեպը, պատերազմի տարիներին «Պապ թագավորը», հետպատերազմյան շրջանում՝ «Հայոց բերդը» և «Վարազդատ» վեպերը։ Վախճանվել է 1967 թվականի հոկտեմբերի 14-ին Երևանում։ Թաղված է Կոմիտասի անվան պանթեոնում:

Վերլուծություններ

Պապն ու թոռը
Անհայտ Թելեր

Ձայնագրություններ

Սպիտակ տան բնակիչները

Ծերունին ազատ ժամերին սիրում էր պտտել անտառում։ Ամառվա և աշնան օրերին նա երկար տարածություններ էր անցնում չոր փայտ ու պտուղներ հավաքելու։ Այդպիսի դեպքերում ծեր, բրդոտ շունը զառամ քայլերով միշտ հետևում էր տիրոջը, իսկ պառավը շեմքում՝ ձեռը ճակատին, նայում էր նրանց ետևից։ Մի անգամ՝ գարնանը, այդպիսի շրջագայությունների ժամանակ, ծերունին շան շնորհիվ գտավ եղնիկի մի փոքրիկ ձագ՝ սուր–սուր ականջներով, որն այնուհետև դարձավ ծերերի հոգատարության ամենասիրելի առարկան։ Սկզբում փոքրիկ կենդանուն նրանք կերակրում էին գյուղից բերած կաթով, ապա երբ նա սկսեց իրեն հավաքել, նրան ուտեցնում էին թրջած հաց, սառը կերակուր, կանաչ խոտ և ծառի տերև։ Պետք էր տեսնել, թե ինչպես ծերերը խնամքով, փոխեփոխ խոտ էին մոտեցնում փոքրիկ եղնիկի դնչին, ինչպես էին գուրգուրում նրան և սովորեցնում ման գալու եղանակը։ Պառավը նրա համար փափուկ խոտերից շինել էր մի անկողին, ուր միշտ հանգիստ մշշոցով հանգստանում էր փոքրիկ կենդանին։ Քնած տեղը նա այնքան անօգնական ու թույլ էր երևում, որ պառավը երկյուղով մտածում էր, թե չլինի մի բան պատահի նրան։

Ցանկապատ

Ու երկուսն էլ վիրավորվում էին և ավելորդ խոսքեր ասում իրար։ Նրանց ձայնի վրա տներից իսկույն դուրս էին թափվում որդիները, կանայք. հարսները գլուխները հանում էին դռներից կամ լուսամուտներից, երեխաները վազում էին խաղի տեղից, ու սկսվում էր լեզվակռիվ. բոլորն էլ խոսում էին միասին և աշխատում միանգամից մի քանի խոսք ասել։ Մի երկու րոպեում իրար գլխով էին տալիս հին ու նոր, կրկնում էին այն բոլորը, ինչ ասել էին անցյալ տարի, և ասում էին բաներ, որ երբեք չէին ասել. կամ ծաղրում էին իրար պակասություն ու խոսելու ձև։ Թևոսը հեգնում էր Մինասի բարձր հասակն ու «սարսաղ» մտքերը, Մինասը զարմանում էր նրա կարճ բոյի ու մեծ-մեծ խոսքերի վրա։ Հաճախ դիմում էին հայհոյանքի կամ շոշափում ոսկորները վաղուց մեռած ծնողների.— «Քո հերն ի՞նչ էր. մեր գութանի խոփը կերավ»… Երբեմն էլ փորձում էին հարձակվել իրար վրա, բայց հարևանները միջամտում էին, համոզում, խնդրում՝ հանգիստ լինել։ Մեծերին նայելով՝ հայհոյում էին միմյանց և երեխաները, իսկ կանայք քիթները վեր քաշելով, ցանկապատի երկու կողմից չանչում էին իրար.

 

Հարազատ Սևանում

Միշտ չէ, որ պետք է լավ ու պայծառ եղանակ՝ լավ ճամբարային առօրյա կազմակերպելու, և ուրախ ժամանակ անցկացնելու համար։ Այս անգամ արդեն մի այլ կարգի հարազատ դարձած «Ժայռում», շատ ուրիշ միջավայր էր, և, իհարկե, նաև յուրօրինակ ժամանակ անցկացրինք։ Դա և՛ խմբի մեծությունից էր (երբեք չէի ճամփորդել 40-ից ավել հոգիանոց խմբով), և՛ անձրևային, մռայլ ու ցուրտ եղանակից։ Շատերի կարծիքով այդպիսի եղանակը միայն կարող է խանգարել այս դեպքերում, բայց կարող եմ հակառակը ապացուցել։ Առաջինը հենց անձրևն է ստեղծում հաճելի ու հանգիստ միջավայր, որը ակամա հանգստացնում է բոլորին, հետո տհաճ չէր Երևանյան տապից մի փոքր կտրվել ու մի լավ մրսել։ Ճի՛շտ է, չէինք կարող սպորտային խաղեր խաղալ կամ լողալ, որը շատ տխուր էր, բայց դրա փոխարեն մենք այնքան ծիծաղեցինք, այնքան խոսեցինք, հումորներ արեցինք, երգեր լսեցինք, զրուցեցինք, ապագայում ճամփորդություններ կազմակերպեցինք, որ անձրևը ու քամին արդեն աննկատ էին դարձել ու որպես խնդիր չէին դիտարկվում։
Առանձին եմ ցանկանում նշել այն փաստը, որ նոր ընկերներ ձեռք բերեցի։ Նորեկ սովորողների հետ մտերմացանք, մանավանդ այն ժամանակ, երբ բոլորով հավաքվել էինք խոհանոցում և ներկայանում էինք, ապա` բնութագրում միմյանց։ Ինչ-որ տեղ վստահ եմ, որ այն նոր սովորողների հետ, որ ծանոթացա, շփումը կպահպանվի նաև դպրոցում։ Հին սովորողներից շատերը նույնպես բացահայտում էին ինձ համար, քանի որ շատերի հետ առաջին անգամ էի ճանապարհ գնում։ Շատերի մասին նոր կարծիք ձևավորեցի, շատերի հետ ավելի մտերմացա։
Մեծ խմբով ճամփորդել այդքան էլ չեմ սիրում, քանի որ միշտ չէ, որ խումբը համախմբված է լինում, բայց կոնկրետ այս մեկը հաճելիորեն զարմացրեց իր միասնականությամբ և յուրօրինակ միջավայրով։

 

This slideshow requires JavaScript.

Այսպես անցավ առաջին օրը Սևանում

Եկանք Սևան։ Շատ էի կարոտել այս բնությունը, լճի հանգստացնող ձայնն ու այն միջավայրը, որը ստեղծվում է, երբ սովորողներն աղմկում են, խաղում ու կատակներ անում։
Վերջին անգամ մի ամիս առաջ էի եկել Սևան`Ժայռ, ու անհամբեր սպասում էի հուլիսի 27-ին, որ կրկին նոր հիշողություններ ստեղծեի ու մի լավ կտրվեի Երևանի շոգ եղանակից։
Առաջին օրը Սևան հասնելուն պես նորեկներին ծանոթացրինք տեղանքի հետ, հետո միանգամից տեղավորվեցինք։ Դրան հետևեց ճաշի պատրաստությունը։ Ճաշեցինք ու հետո գնացինք ափ` լողալու, ուրախանալու, զրուցելու։ Ոմանք լողացին, ոմանք նկարվեցին։ Հենց այսպես էլ ստեղծվեց ընտանեկան հարմարավետ միջավայրը։
Քիչ ուշ մեր ճամփորդական խմբին միացավ <<Մասունք>> պարի խմբի ներկայացուցիչները։ Երբ եկան, սկսեցինք պարել ու ուրախանալ, պարեցինք մեր կողմից սիրված ու ծանոթ պարերը։
Արդեն երեկոյան երբ, լիճը աղմկում էր ու լողալ հնարավոր չէր, գնացինք հրացաններով կրակելու, որին հետևեց բանակի ու ռազմական հարցերին վերաբերվող զրույցը։ Ոմանք պատմեցին իրենց բանակային կյանքից, իսկապես մենք ուշադիր լսում էինք։ Զրույցից հետո առանձնապես հետաքրքիր բան չի եղել, գնացել ենք քնելու։

This slideshow requires JavaScript.

Վարդավառ․Ավանդության համաձայն՝ Աստղիկ դիցուհին ամեն գիշեր լողանում էր Մշո դաշտով հոսող Արածանի գետում

Եկեղեցին այս օրը նշում է որպես Այլակերպության տոն: Սա ևս շարժական տոն է և նշվում է Զատիկից 98 օր հետո: Տոնը, սակայն, բնապաշտական ժամանակներից է և թերևս հայերի ամենասիրելի տոնն է եղել: Հայաստանի որոշ մարզերում (Լոռի, Տավուշ) Վարդավառն անշարժ տոմարով են նշում` հուլիսի վերջին կիրակի օրը: Այս տարի Վարդավառը նշվում է հուլիսի 28-ին: Վարդավառը ջրի տոն է և այդ օրը բոլորը խրախճանքից, երգ ու պարից բացի, նաև ջրում են միմյանց: Եկեղեցին սա բացատրում է նրանով, որ երբ Նոյը Արարատից իջել է Նախիջևան, որպեսզի իր ժառանգների մեջ անմահ պահի ջրհեղեղի մասին հիշատակը, կարգադրել է, որ ամեն տարի այս օրը ջրեն միմյանց: Ամեն դեպքում, մարդիկ Վարդավառին ուխտ են գնացել սարերը, ուր գետերի, աղբյուրների ակունքներն են: Հենց ջրի ակունքների մոտ էլ Վարդավառի տոնախմբություններն են կատարվել, համայնական զոհաբերություն արել, խաղեր ու խրախճանք կազմակերպել: Ամենատարածված խաղը կոխն էր, որ հավանաբար նվիրված էր Վահագն աստծուն: Վահագնին էին նվիրված նաև վանեցի երիտասարդների կազմակերպած ռազմական խաղերը Վարդավառի տոնին, երբ խմբերի բաժանված, պարսատիկներով ու փայտերով «կռվում» էին միմյանց դեմ: Շատ տարածված էին աղջիկների զանազան երգ-խաղերը, զվարճախաղերը: Տոնը սկսվում է շաբաթ երեկոյան, երբ ուխտավորները մատաղ են անում, անասուն մորթում և գիշերային խարույկի շուրջ դիմավորում Վարդավառը: Խարույկ վառելու և տոնը կեսգիշերին դիմավորելու սովորույթը լավ է պահպանվել հատկապես Լոռիում, որտեղ Վարդավառը ժողովրդական ամենասիրելի տոնն է: Վարդավառը նաև խնձորի տոն էր: Առհասարակ, Վարդավառի սեղաններին առատ է եղել միրգը: Ժողովուրդը տոնը երբեմն անվանում էր «խնձորի պաս»: Տարվա առաջին խնձորն ուտում էին Վարդավառին: Այս սովորույթը ուղեկցվել է որոշ ծեսով: Շատախում երիտասարդները Վարդավառի շաբաթ երեկոյան դեզեր էին սարքում՝ մեկը մյուսից մեծ: Մութն ընկնելուն պես վառում էին դեզերը: Ծեսը տևում էր մինչև լուսաբաց, որից հետո կրակի շեղջի մեջ խնձոր էին խորովում և ուտում: Խարույկի շուրջ տոնախմբությունն ուղեկցվում էր երգով, պարով, խաղով ու խնդությամբ: Վարդավառը հասել ա, Բան ու գործս թարսել ա, Թե սիրել ես, ջուր շաղ տուր, Կրակս թեժացել ա… Վարդևորի իր օրն ա, Որդին հորը չի մոռնա, Ով իմ սիրածին ինձ չտա, Սև շան նման թող ոռնա… Վարդևորը մոտ ա, Մեր ճամփեքը քարոտ ա, Գնում եմ յարիս տենամ, Կասեն` ինձի կարոտ ա: Վարդավառի երգերը բազմաժանր են ու բազմատեսակ: Երգում են թափորով, որին ուղեկցում են նվագածուները: Տոնի տիպիկ խաղերից է ձիարշավը, երբ երիտասարդները մրցում են իրենց ձիերով` ցույց տալով իրենց հմտությունները արագության և ձիախաղի մեջ: Տոնը, որ հեթանոսական ակունքներ ունի և նվիրված է Աստղիկ դիցուհուն, ամենասիրվածն է հայոց մեջ: Վարդավառ բառը բաղկացած է վարդ և վառել բառերից, որ նշանակում է սիրո գերագույն խորհրդով օծվել: Տոնի սկզբին` հունիսի 27-ին (Վահագնի օրվան) գումարվում է մարտի 21-ից մինչև առաջիկա լիալուսին ընկած օրերի քանակը: Վարդավառը արարչական սիրո տոն է, որ հովանավորվում էր Աստղիկ դիցուհու կողմից: Տոնի խորհրդանիշներն են օծված վարդերը և վարդաջուրը, որով ցողելով` Աստղիկ դիցուհին սեր է պարգևում մարդկանց: Աստղիկը հայոց սիրո և գեղեցկության աստվածուհին էր, Վահագնի սիրելին: Աշտիշատում գտնվող Աստղիկի տաճարը կոչվում էր «Վահագնի սենյակ», որտեղ, համաձայն ավանդապատումի, Վահագնը հանդիպում էր իր սիրեցյալին: Վահագնի և Աստղիկի ամուսնությունը սրբազան էր համարվում: Նրանց ամուսնությունն անձրև էր բերում, բարիք էր բերում մարդկանց, շանթ ու կայծակ էր թափվում երկրի վրա, որ խորհրդանշում էր տիեզերքի երկունքը: Աստղիկի տաճարներ Հայաստանում ամենուր կային, բայց գլխավորը Աշտիշատինն էր և Վանա լճի ափին գտնվող Արտամետի տաճարը: Վարդավառը ջրի տոն է: Այս օրը մարդիկ խմբվում են ջրի ակունքների մոտ և զոհաբերություններ կատարում, որից հետո սկսվում է խրախճանքը: Ընդունված է զոհաբերել ուլ և գառ: Ավանդության համաձայն՝ Աստղիկ դիցուհին ամեն գիշեր լողանում էր Մշո դաշտով հոսող Արածանի գետում (այստեղից էլ` Վարդավառին միմյանց ջրելու սովորությունը): Սիրահարված երիտասարդները հավաքվում էին մոտակա բարձունքին, որպեսզի տեսնեին աստվածուհուն: Սակայն Աստղիկն աննկատ մնալու համար դաշտը պատում էր մշուշով, որի պատճառով էլ երկիրը կոչվել է Մուշ, դաշտը՝ Մշո դաշտ: Մեկ այլ ավանդապատումի համաձայն` Վիշապները գողանում են Աստղիկին ու պահում իրենց մոտ: Դրա հետևանքով Երկրին պատում է չարն ու մութը: Եվ Վահագն աստվածը հաղթում է Վիշապին, ազատում է իր սիրեցյալ Աստղիկին ու շրջելով երկրի վրա` վարդի ջուր է ցողում` կրկին հավաստելով սիրո և գեղեցիկի հաղթանակը: Նման պատումներ շատ կան ժողովրդական բանահյուսության, հայկական ժողովրդական հեքիաթների մեջ, երբ Վիշապը փակում է ջրի ակունքը և ժողովրդից պահանջում կույս աղջիկ` ջուր տալու համար: Սրանք դեռ բնապաշտական ժամանակներից եկած պատումներ են Վարդավառի մասին: Աստղիկը, Վահագն աստծո սիրեցյալն էր: Նրան անվանել են նաև Ոսկեծղի, Ոսկեբազուկ, Վարդամատն: Աստղիկը, ըստ ավանդության, ծնվել էր ծովի ճերմակաթույր փրփուրներից և երբ քայլում էր, նրա ոտնահետքերում վարդեր էին բուսնում: Դիցուհին վարդի թերթիկներ էր թափում Հայոց աշխարհի վրա, որոնք, քսվելով հայուհիներին, աստվածային գեղեցկություն էին պարգևում նրանց: Աստղիկի գլխավոր մեհյանը Տարոն գավառի Աշտիշատ ավանում էր: Ավանդության համաձայն՝ Աստղիկը բնակվել է Տարոնի Ասղնբերդում, որի տանիքում բույն դրած ծիծեռնակները՝ որպես սուրհանդակներ, լուր էին տանում աստվածուհու սիրեցյալ Վահագն աստծուն: Այստեղից է ծագում նաև մեր օրերում Վարդավառին աղավնիներ թռցնելու սովորությունը: Աստղիկին նվիրված տաճարներ կային նաև Վանա լճի մերձակա Արտամետ գյուղում, Անձևյաց գավառում և այլուր: Երևանի օպերայի և բալետի շենքի տեղում նույնպես եղել է Աստղիկին նվիրված տաճար: Աստղիկ դիցուհուն էր նվիրված հայոց տոմարի յուրաքանչյուր ամսվա յոթերորդ օրը: Տոնակատարության ժամանակ Աստղիկին նվիրաբերել են վարդեր (այստեղից էլ՝ նրա Վարդամատն մականունը), աղավնիներ թռցրել, ջուր ցողել իրար վրա, ուրախացել: Որոշ գավառներում Վարդավառի տոնին Աստղիկ դիցուհուն նվիրված տիկնիկներ են պատրաստել ծառերի ճյուղերից կամ ցախավելից և դրանցով խաղեր կազմակերպել: Նաև ծաղկեպսակներ էին պատրաստում և կովերի ու այլ կաթնատուների ճակատը զարդարում, որպեսզի տարին կաթնառատ լինի: Մեր ժամանակներում պահպանվել է Վարդավառին ցորենի հասկերից խաչբուռ գործելու սովորույթը: Խաչբուռը կամ խաչփունջը հյուսվել է ցորենի հասած արտից հնձած առաջին փնջից և նվիրաբերվել աստվածներին, որպես գոհաբանություն՝ բերքի համար: Խաչբուռը հյուսվել է խաչի տեսքով, կապելով երկինքն ու երկիրը. այն բացարձակապես չի առնչվում Հիսուսի խաչափայտի հետ: Հաճախ գործել են Նուրի աստվածուհու կերպարանքով և կենաց ծառի տեսքով ու գաղափարով: Քրիստոնեության ընդունումից հետո խաչբուռը նվիրվեց Անահիտին փոխարինող Աստվածածնին: Լինելով երիտասարդության սիրելի տոնը` Վարդավառը նաև աղջիկ ընտրելու և «աղջկատեսի» տոն էր: Այս տոնի ժամանակ կատարվող ուխտագնացությունների, արարողությունների ժամանակ հաճախ էին խնամախոսությունները, նշանդրեքի, պսակի արարողությունները: Վարդավառին ամուսնացած աղջիկներն իրավունք էին ստանում երկրորդ անգամ գնալու հորանց տուն և սովորաբար այնտեղ մնում էին 15 օր:

Նյութերը մասնակի կամ ամբողջությամբ մեջբերելիս ակտիվ` հիպերլինքով հղումը Ankakh.com-ին պարտադիր է:

Վարդավառ. քրիստոնեական տոն, որի արմատները գալիս են հեթանոսական ժամանակներից

Այսօր Վարդավառի տոնն է կամ Քրիստոսի Պայծառակերպության օրը: Այն Հայ Առաքելական եկեղեցու հինգ տաղավար տոներից մեկն է: Տոնը շարժական է, և նշվում է Սուրբ Զատիկից 98 օր հետո` հունիսի 28-ից օգոստոսի 1-ն ընկած ժամանակահատվածում և քրիստոնեական ընկալմամբ մեկնաբանվում է որպես Քրիստոսի պայծառակերպություն՝ որպես մաքրագործված-աստվածացած մարդու խորհրդանիշ:
Միաժամանակ տոնի արմատները գնում են մինչև հեթանոսական ժամանակներ: Հնում Վարդավառի տոնը կապվում էր հայկական դիցարանի ջրի, սիրո, պտղաբերության ու գեղեցկության աստվածուհի Աստղիկի հետ: Վարդավառին մեծ տոնակատարություններ էին կատարվում, Աստղիկին վարդեր էին նվիրում, աղավնիներ էին բաց թողնում և միմյանց վրա ջուր ցողում: Ջուր ցողելու սովորությունը պահպանվել է նաև մեր օրերում:
Tert.am-ի հետ զրույցում Տեր Շմավոն քահանա Ղևոնդյանը պատմեց, թե ինչպես է Հիսուս Քրիստոսը բարձրացել Թաբոր լեռան վրա և իր ամենօրյա աղոթքների շնորհիվ լուսավոր կերպարանք առել:
«Հիսուսը բացահայտեց իր աստվածային փառքը, աստվածային զորությունը: Այստեղ են լինում նաև նրա աշակերտներից, որոնք վերջնականապես համոզվում են, որ Քրիստոսը Աստծո որդին է: Տոնը Վարդավառ է կոչվում այն բանի համար, որ համեմատվում է վարդի կոկոնի հետ, որի մինչև բացվելը չենք իմանում, թե ինչ գույն ու տեսք է ունենալու: Այդպիսին է նաև Հիսուս Քրիստոսը»,-ասաց քահանան:
Ազգագրագետ Արմենուհի Ստեփանյանը տոնի անվանումը այլ կերպ է բացատրում: Tert.am-ի հետ զրույցում նա նշեց, որ Վարդավառ բառը հնդկական ծագում ունի և նշանակում է ջուր ցողել:
«Տոնի անվանման իմաստը քչերին է հայտնի: Այն որևէ կապ չունի վարդ բառի հետ: Տոնը գալիս է մինչքրիստոնեական ժամանակներից և կապված է բերքահավաքի շրջանի հետ: Այն իր մեջ պարունակում էր ջրի ու բնության պաշտամունք և կապված էր Նար և Աստղիկ աստվածությունների հետ»,-ասաց ազգագրագետը:
Արմենուհի Ստեփանյանը նշեց, որ հնում տոնը եղել է շատ բազմազան, որից այսօր պահպանվել է միայն ջրցողումը: Իսկ վերջինիս խորհուրդը բացատրեց հետևյալ կերպ. «Միմյանց վրա ջուր ցողելով մարդիկ իբրև ազատվում են և՛ ահից ,և՛ հիվանդություններից: Նրանք դառնում են երկարակյաց: Վարդավառի ջուրը իր մեջ ուներ գերբնական հատկություններ: Այդ ջրցողումները չէին արվում այնպես, ինչպես այսօր փողոցերում: Դրանք արվում էին ջրամբարների ու գետերի մոտ, այնտեղ որտեղ ջրառատ միջավայր կար: Նրանք հավատում էին, որ դրանով իրենց ապահովում են չարից ու հիվանդություններից»,- պարզաբանեց նա:
Եկեղեցին ազգային այս տոնի ջրցողման սովորությանը տալիս է այլ բացատրություն: Տեր Շմավոնը նշեց, որ այն կապված է Նոյի ջրհեղեղի հիշատակման հետ:
«Մարդիկ կան, որ ասում են, թե դա պարզապես հեթանոսական ավանդույթ է, սակայն դրա մեջ ոչ մի հեթանոսական տարր արդեն չկա: Այս տոնը երկու ձևով է տոնվում՝ հոգևոր՝ պատարագ է մատուցվում և ժողովրդական ծեսով՝ խաղերով, միմյանց վրա ջրելով և այլն: Սրանցով մարդիկ լցրել են իրենց առօրյան ու նշել տոնը: Հեթանոսական շատ ավանդույթներ այսօր մեզանում կան, սակայն մենք այսօր դրանք կատարում ենք առանց որևէ հեթանոսական հենքի ու իմաստի»,-ասաց նա:
Ազգագրագետ Արմենուհի Ստեփանյանը պատմեց, որ հնում հայերը տոնի առիթով սովորաբար աղավնիներ են բաց թողել և տոնական ծառ են պատրաստել , որի վրա կապել են գույնզգույն ժապավեններ, վարդեր ու ամենակարևորը վարունգ ու խորոված խնձոր:
«Տոնի ծիսական ուտեստը խորոված խնձորն էր:Հայերը պարտադիր գիշերը խարույկ էին վառում ու խնձոր խորովում: Իսկ տոնածառերը սովորաբար հսկում էին ծեր կանայք, որոնք ենթադրվում էր, որ Աստղիկ աստվածուհու նախատիպը կարող էին լինել: Նախկինում եկեղեցու դռները զարդարվում էին խնձորներով, վարդերով ու վարունգներով»,- ասաց նա և ընդգծեց, որ հին հայերի մոտ ընդունված էր այդ օրը նշանված աղջիկներին տղայի տանից բաժին ուղարկել՝ մրգեր և հատկապես խորոված խնձոր:
Իսկ թե ինչու հատկապես խնձոր, ազգագրագետը բացատրեց, որ այն համարվում է բեղմանվորման սկիզբը:
Արմենուհի Ստեփանյանը ցավով նշեց, որ ազգային այս տոնը ներկայումս իր ակունքներից շատ է հեռացել: Ըստ նրա՝ պատճառներից մեկն այն է, որ խորհրդային տարիներին տոնը մոռացության մատնվեց: Ազգագրագետը միաժամանակ նշեց, որ այսօր քիչ թե շատ տոնը ակունքներին մոտ է նշվում Տավուշի մարզում:

Interesting world around us (Sevan edition)

Tim Cahill told “A journey is best measured in friends, rather than miles.” So this time we are here in Lake Sevan, with our friends. Sevan is called Armenia’s blue-eyed beauty. It is one of the top tourist attractions you may not want to miss during your trip in Armenia.

images

Sevan waters have many colorful transformations. From crystal clear azure on a breezy morning to mystic dark blue in a rainy evening but anyway Sevan is charming at every moment of the day. Refresh yourself in the cool waters of Sevan  and then lounge on the beach with a cocktail to idle away the tension of the urban life. Armenians do take pride in the beauty of Sevan and keep saying to foreigners: if you’re in Armenia and you haven’t seen Sevan, Garni and Geghard – then you haven’t seen anything. Truly, the Lake Sevan, this miraculous gem of the Armenian nature, is a must-see in Armenia.

images (1)

 

 

 

 

 

Lake Sevan in winter

Now I will you some facts about the lake. 

  1. The number of rivers which pour into the Lake Sevan reaches 30. However, there is only one lake which flows out from it. It is the river Hrazdan. 

2. The topic of the name of the Lake Sevan has always been a subject of wide discussions. Many people believe that the name of the lake Sevan is derived from the word “Sev” which means black in Armenian. They are pretty sure that Sevan is called this way because of the monastery, which was built from black tufa color. However, this conspiracy theory didn’t give enough ground, as the name Sevan is much older than the monastery. During its long existence history, the Lake Sevan was called in different ways. One of the mostly known was Geghama Sea, after the name of Geghama mountain chain surrounding it.

3. Lake Sevan monastery known as Sevanavank. It is a monastic complex built in 874 by Princess Mariam, who was the daughter of the king Ashot. The architecture of the church with the Lake Sevan as a background will take your breath away.

At the end I want to say the great words of Lin Yutang “No one realizes how beautiful it is to travel until he comes home and rests his head on his old, familiar pillow.” So enjoy every moment and every event of your trip.